صـــــبرت لــــكن كثر صــبري بعذبني
سنتين وأنـــــــــــا عــــــلى هــــــالحاله
لابعدت عنه احس الشــــــــوق يهزمني
يقول وينك حبيبك يشكـــــــي أحـــــواله
ما درى انك يا حبيب الروح ظـــــالمني
ما تدري عنــي وقلبك قاسيه افعالـــــــه
مـــــــره تبيني و مــــــره ما تكلمنـــــي
وحبل المودة قصير عـــــندك حبالــــــه
تبتعد عنـــــــــي ودك بس تقهــــــــرني
نغمة غرامـــــــك تراها صــــدق زواله
اقدر اغيضك واحــــب حـد يـــــــدلعني
يسكـــــــن بقلبي وبالحشـا إضلالــــــــه
وانا بنت اليوسف بسويهـــــا لا تجبرني
لابو خفوقك لابو جــــــده لا بو خـــــاله
ابصبر وادري ان كثر صبــري بعذبني
بس يمكن تراجع نفسك وانسى هالحـاله
